Varmaste april i Nord-Noreg nokosinne

April er den varmaste som er målt i Nord-Noreg nokon gong, viser tal frå Meteorologisk institutt. Målingane starta i 1901. Temperaturane låg i snitt 2,6 grader over normalen. Vi må tilbake til april i 1937 for liknande tal. Då var avviket 2,5 grader over normalen. På landsbasis blei april den nest varmaste som er registrert. Totalt blei det sett 49 rekordar for høg månadstemperatur i april. Varmast blei det målt i Kongsberg med 26,5 grader.