Forsvarsbygg ber om utsetting av arealplan

Forsvarsbygg har kjøpt tilbake fjellhallane sør for Bjerkvik og ber no Narvik kommune om utsett frist for å levere innspel til arealplanen, skriv avisa Fremover. Området er i dag sett av til næring. – Hovudpoenget vårt er at vi vil endre formålet til forsvar, seier Bjørn Bergesen i Forsvarsbygg. Eigarskapen til eigedommane er enno ikkje formelt overført, noko etaten viser til som årsak til å trenge meir tid.