Vil ha berre éin skule i kommunen

Administrasjonen i Øksnes står fast på at alle elevar bør samlast ved Myre skule frå 2028, og meiner dette gir både best kvalitet og størst innsparing, skriv Bladet Vesterålen. Kommunestyret skal ta endeleg stilling til saka 18. juni. – Samling av elevane i éin skule vil sikre lik tilgang til fagkompetanse og læringsressursar, skriv oppvekstsjef Remi Vangen. Han peikar også på at dagens struktur er dyr og sårbar, med små fagmiljø, overkapasitet i bygg og ulik kvalitet mellom skulane. Ei samling på Myre er rekna å spare rundt åtte millionar kroner årleg.