Havarikommisjonen fann svikt i sikkerheita etter dødsulykke

Statens havarikommisjon har no avgitt sin rapport etter den alvorlege sjøulykka kor ein 80 år gammal fiskar blei funnen død om bord i sjarken sin i Steigen. Hendinga skjedde 14. november 2025. Politiet meinte tidleg at det handla om ei arbeidsulykke under fiske med garn. Ifølge rapporten fekk mannen truleg armen sin hekta fast under innhaling av garn og blei deretter dregen med rundt maskineriet. Obduksjonsrapporten slo fast at dødsårsaka var kvelning som følge av vedvarande, kraftig press mot overkroppen. Rapporten viser også til svikt i sikkerheita om bord. Nødstoppfunksjonen til garnspelet, som kunne ha avverge situasjonen, fungerte ikkje då ulykka skjedde. Årsaka var at staget til naudstoppfunksjonen var blokkert av ei trekile. Det er ikkje funne eintydig svar på kvifor han var plassert der. Ei mogleg forklaring er at fiskaren har sett inn kilen for å hindre at naudstoppen slo seg inn unødvendig og øydela for vanlege arbeidsoppgåver. Godkjent føretak hadde ikkje funne feil på naudstoppen under kontroll i 2024, og han fungerte som normalt då Havarikommisjonen testa han utan trekilen i etterkant av ulykka.