Nordnorske bønder investerer for helse og tryggleik – ikkje berre botnlinja

For mange nordnorske bønder handlar nye investeringar vel så mykje om å spare tid, ta vare på helsa og få ein tryggare arbeidskvardag som om å auke inntektene. Det syner ein ny studie frå NIBIO, der 461 gardbrukarar i Nordland, Troms og Finnmark har svart på spørsmål om sine investeringar i perioden 2018–2025. Nesten 80 prosent av dei spurde svarer at det var viktig å redusere arbeidsforbruket på garden. – Det er kanskje ikkje så rart når vi veit at mange bønder arbeider langt fleire timar i året enn gjennomsnittet for lønnsmottakarar, seier stipendiat Simen Wilsher Lohre ved NIBIO i en pressemelding. Studien viser at investeringane i maskinpark og utstyr handlar om å få kvardagen til å fungere betre. Når nordnorske bønder fortel kva som kjenneteiknar ein «god bonde», kjem god dyrevelferd og omsyn til jord, dyr og familie langt føre berre økonomisk overskot.